Ísafjarðarbær hefur hafið vinnu við verndarsvæði í byggð í kjölfar úthlutunar Minjastofnunar til tveggja verkefna á Skutulsfjarðareyri og Neðstakaupstað. Það er mat Ísafjarðarbæjar að full ástæða sé til að varðveita byggðina vegna svipmóts og menningarsögu og að svæðið falli vel að markmiðum laga um verndarsvæði í byggð, sem eru að stuðla að vernd og varðveislu byggðar sem hefur sögulegt gildi.
Verið er að vinna húsakönnun sem er grundvallargagn við mótun verndarsvæðisins.
